Правило 3-6-9-12 за да ги заштитите децата од влијанието од мобилни, интернет, видео-игри…

На сите родители веќе им е јасно дека смарт телефоните, таблетите, лап топите и компјутерите имаат големо влијание врз однесувањето и равојот на децата и дека прекумерното користење си носи свои последици. Во ера во која технологијата е човековиот придружник број еден, многу е тешко во таа насока да се исконтролираат и најмалите. Сепак, стручњаците предупредуваат дека мора да постојат ограничувања, со оглед на опасностите од претерување со играње разни игри, „дремење“ по цели денови на социјални мрежи и слично. Докажано е дека интернетот создава зависност и тоа е голема причина за родителите да не го одложуваат преземањето мерки, туку да делуваат веднаш.

Повеќе студии покажале дека децата кои често играат виртуелни игри во кои има насилство, развиваат агресивност, немаат трпение и покажуваат склоности за кавги. Оние дечиња пак, кои се опседнати со инстаграм и фесјбук, ги избегнуваат дружбите, не сакаат да комуницираат и се затвораат во себе си.

Што значи правило 3-6-9-12

Ова правило го развил Кралскиот австралиски колеџ за педијатрија. Всушност станува збор за предлог до родителите, создаден од врни педијатри, врз основа на факти и истражувања за влијанието на интернетот и технологијата врз психо-физичкото здравје на децата.

Правилото 3-6-9-12 гласи:

-Да не се користат уреди (телефон, компјутер, таблет, лап топ) до 3 годишна возраст

-Да не се користи интернет до 6 годишна возраст

-Да не се играат онлајн игри до 9 годишна возраст

-Да не се користат социјални мрежи до 12 годишна возраст