Православен празник Отсекување на главата на Свети Јован Крстител

Според календарот на МПЦ, денес се одбележува празникот Отсекување на главата на Свети Јован Крстител. Црковните правила налагаат верниците, денешниот ден да го поминат во строг пост.

Во времето кога Јован проповедал во Палестина, во Галилеја владеел Ирод Антипа, кој бил неморален и расипан човек. Ја избркал својата законита жена и живеел незаконито со Иродијада, жената на својот се уште жив брат. Јован јавно го прекорувал и разобличувал, па Ирод го затворил. Во една прилика Ирод приредил гозба во својот дворец. Ќерката на Иродијада, Саломија, го восхитила Ирод со својата страствената игра на гозбата, така што овој замаен од пиењето и ветил се што ќе посака. Саломија, поучена од мајка и, која не можела да му го прости јавното разобличување на Јована, ја побарала главата на пророкот.

Во Бигорскиот манастир денешниот празник го одбележува како манастирска слава.