Православните христијани го слават Цветници

Православниот свет денес го слави празникот Цветници, во чест на свеченото влегување на Исус Христос во Ерусалим. Празникот уште се нарекува Цветоносна недела и Врбица. Спасителот во Ерусалим бил пречекан од голем број верници кои дошле да му се поклонат и патот му го послале со цвеќиња и врбови гранчиња.

Цветници е подвижен празник и секогаш се прославува една недела пред Велигден. Од утре, почнува страдалната седмица или велика недела кога се одбележуваат последните денови на Исусовите страдања. Деновите пред Велигден се исполнети со покајување, прошка, пост и молитва. Преку црковните богослужби на почетокот на седмицата верниците се потсетуваат на последните беседи и поуки на Исус кон апостолите и луѓето.

Цветници во Гостивар традиционално се прославува со литургија на Свети Јован Златоуст со која чиноначалствува надлежниот Архиереј на тетовско-гостиварската епархија, Митрополитот г. Јосиф.