Православните верници одбележуваат Крстовден

Според календарот на Македонската православна црква, денес е Воздвижение на Чесниот Крст – Крстовден. Празникот се слави во чест на пронаоѓањето на крстот на кој бил распнат Исус Христос на Голгота и враќањето на крстот во Ерусалим во седмиот век од новата ера. Според правилата на Православната Црква, овој ден е строг пост, освен ако се празнува во сабота и недела, кога се пости на масло.

Крстовден е празник на пост и покајание. За време на празникот, Крстот е положен во центарот на храмовите, опкружен со цвеќе и гранчиња босилек. Именден денес слават Крсто, Кристина, Крстана…