Празник-Ден на македонската револуционерна борба, 23 Октомври

Македонија одбележува 129 години од основањето на Македонскиот револуционерен комитет, темел на организираното револуционерно движење. На 23 октомври 1893 година во куќата на книжарот Иван Хаџи Николов во Солун, шестмина македонски интелектуалци: Христо Татарчев, Даме Груев, Петар Поп Арсов, Иван Хаџи Николов, Антон Димитров и Христо Батанџиев ги поставија темелите на Организацијата со што македонското национално-ослободително движење доби организиран облик, со мисија борба за ослободување на Македонија со сопствени сили, без помош од странски земји.. На почетокот наречена Македонски револуционерен комитет, потоа преименувана во ТМОРО, ВМОРО, а најмногу позната како ВМРО (Внатрешно Македонска Револуцонерна Организација).

Формирањето на ВМРО значело почеток на организираното македонско револуционерно движење кое преку Илинден 1903, Крушевската република и НОВ резултира со создавање современа самостојна македонска држава. Денешниот датум во земјава од 2007 година е прогласен за државен празник и е неработен ден за сите граѓани.