Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 24/04/2019 | 12:39

Празник во Гостивар: КК Гостивар го пречекува Работнички (19 часот)

Секој кошаркарски натпревар во Гостивар се следи со огромна страст и внимание, но дуелите како вечерниот, се вистински празник во градот на кошарката, како што го нарекува Гостивар целата македонска јавност.

Гостува најтрофејниот клуб, актуелниот шампион и освојувач на годинешниот КУП, екипата на Работнички. И тоа не на било каков натпревар – се игра третото коло од Супер лигата во која се среќаваат првопласираната и третата екипа на табелата.

Избраниците на Марин Докузовски сезонава лесно се справуваат со скоро сите противници, имаат скор од 20 победи и само 2 порази во досегашниот дел од првенството, со фантастична кош разлика од 465 поени. Во досегашните пресметки сезонава КК Гостивар се уште нема победа против Работнички.

Гостиварци во овој меч влегуваат после тешко издвојуваната, но доста важна победа против Куманово во минатото коло. Со 16 победи и 6 порази се наоѓаат на третата позиција, што е одличен успех во овој дел од првенството и како најавуваат од „бело-синиот“ табор целта е да се задржи оваа позиција. Мал хендикеп е повредата на Бојан Трајковски, кој во наредниот период нема да може да и помогне на екипата под кошевите.

Како и да е, вечерва во Младост од 19 часот се очекува возбудлива кошаркарска претстава, вистински празник за љубителите на кошарката од регионот.

На денешниот натпревар е најавен и новиот кандидат за претседател на Македонската кошаркарска федерација, Перо Антиќ, кој ќе биде посебно одликуван пред почетокот на натпреварот.

Напишете коментар