Празникот Голема Богородица прославен во Галате

Денешниот празник, Успение на Пресвета Богородица, кај народот познат како Голема Богородица, со црковно-народен собир беше прославен во гостиварското село Галате. Чинот на водосвет и благословување на кумските лебови во манастирот Успение на Богородица во Галате ги изврши  Митрополитот тетовско-гостиварски господин Јосиф.

По повод празникот Владиката Јосиф, во сослужение на свештеници од тетовско-гостиварската епархија. богослужеше  Света Златоустова литургија во Лешочкиот манастир.

„Благословот и благодатта по молитвите на Преблагословената да нè пратат сите нас и надвор од овој манастир. Денешната празнична радост, радоста на Успението да ја однесете и во вашите домови и да ја споделите со сите луѓе. Само со споделување на радоста – вистински се празнува денешниот празник. Денес сите да си подадеме рака, да ги посетиме нашите родители, болните и сиромашните и заедно да се радуваме, бидејќи Пресвета Богородица е секогаш со нас! Таа и по Своето Успение не нè напушти и никогаш нема да не напушти!“, рече во својата беседа Митрополитот г.Јосиф