Гостивар
Празнување на Свети Трифун во Лешочки Манастир

Утрово на празнувањето на Светиот маченик Трифун, Митрополитот Тетовско-гостиварски г. Јосиф во сослужение на повеќе свештенослужители изврши чинот на Мал водосвет во Лешочкиот Манастир, а потоа, според традицијата, беше закроено и манастирското лозје.
Во својата беседа Митрополитот г. Јосиф меѓу другото истакна:
,,Светата Православна црква, секојдневно прославува по некој Божји угодник. Денес го прославува светиот маченик Трифун. Прославувајќи го денеска овој Божји маченик, нашата света Црква и вера нè поучува и од нас бара да се угледаме на силната и непоколеблива вера, како кај апостолите, така и кај овој Божји маченик. Од нас, ниту Црквата, ниту Господ Христос бара и очекува да бидеме маченици. Тоа не се бара бидејќи никој не нè прогонува и немаме потреба од такви подвизи. Но, не треба да заборавиме дека непријателот на човечката душа постојано нè искушува со разни соблазни и интриги за да нè оддалечи од Бога, од Црквата, од правдата, од вистината, од љубовта, и од сè она што нè води кон зададената цел. А тоа е, спасението на нашата душа. Да се обратиме со искрена молитва кон св. маченик Трифун, тој нека всади во нашите срца и во нашите души силна и непоколеблива вера. Денес овде во Лешочкиот манастир, го извршиме чинот на благословување и закројување на лозата и на таков начин го повикавме Божјиот благослов да пребива врз нашите плодови, но и врз трудот кој треба да го вложиме во обработувањето на производите. Денешниот ден да го поминеме молитвено, онака, како што прилега на вистински православни христијани, а не во ненаситно јадење и неумерено пиење, зашто таквите дела нам не ни приличат и спротивни се на Божјиот закон. Благословот од Бога и Црквата ќе го стекнеме само тогаш, кога нашата молитва ќе биде трезвена, разумна и срдечна, а не плитка и безумна. Токму затоа, Господ Бог нека го благослови разумното делото од нашите раце, кое ќе принесе плод достоен за Божја слава и за наша корист. Амин!”
фото:тетовско-гостиварска епархија
-
Гостиварпред 3 месеци
Курсна листа на НБРМ и приватните менувачници во Гостивар
-
Занимливостипред 2 месеци
Речениците на Толстој ја откриваат тајната на среќен живот: Најголемите вистини се наједноставни
-
Занимливостипред 1 месец
Неколку непознати факти за гладијаторите
-
Занимливостипред 2 месеци
Како се прават најдобрите кубански цигари – Отмена арома на луксузот
-
Гостиварпред 3 месеци
Девизниот курс денес според приватните менувачници во Гостивар и НБРМ
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Гостиварпред 1 месец
Распоред на дежурни свештеници за Задушница во Гостивар
-
Македонијапред 2 месеци
Србите го слават Свети Сава – Национален празник на српската заедница во земјава