Поврзи се со нас

Гостивар

Пред гостиварци промовирана книгата „Отвори ги очите“ од Љупка Антеска

Објавено

на

Пред љубителите на пишаниот збор, вчеравечер во Гостивар беше промовирана стихозбирката „Отвори ги очите“ од Љупка Антеска. Ова е нејзино трето поетско дело, а за стиховите кои ги содржи, авторката вели дека се одраз на реалноста и на денешницата. Дека во дел од нив има своевиден бунт против изместените вредности, а носат порака: водилки во животот да ни бидат добрината и љубовта.

„Како поет и како човек, не можам да замижам пред ова време-невреме, кога човек на човека му е чудовиште. Кога секојдневно трчаме по обврски и го пренагласуваме материјалното, а забораваме на малите, едноставните радости кои всушност не прават луѓе. Не можам да премолчам дека постојано брзаме и немаме време за едно кафе со пријателите. Не можам да речам дека љубовта има само розова боја, затоа што нема, љубовта ги има сите бои и нијанси. Мојата поезија е реална, ненашминкана, напати сурова, а таква и ќе остане.“, рече Антеска.

Пред присутните во Центарот за млади и заедницата, како промотори на книгата зборуваа Снежана Стојчевска и Цветанка Колева.

„За песните во оваа збирка, може да се каже дека се како огледало, затоа што секој што ќе ги прочита, ќе види дел од себе во стиховите. И секој може да ги прочита на свој начин, некој во нив ќе види духовитост, некој сарказам и иронија, но сигурно е дека читателот ќе се препознае и пронајде“, рече Стојчевска, меѓу другото во своето обраќање.

Колева нагласи дека книгата не е типично женско писмо, но дека на моменти ја открива моќта и борбеноста на жената. „Во збирката има песни кои на умешен начин доловуваат како тоа жената може и успева да ги заврши сите обврски, да биде мајка, домаќинка, да работи…но, песните кажуваат и која е цената за тоа, што само жената си ја знае“, рече Колева.

Заедно со промоторките, стихови читаше и поетесата Катерина Гогова. Во музичкиот дел на гитара настапи младиот, талентиран гостиварец Висар Зибери.

Сподели ја веста:
Прочитај повеќе
Остави коментар

Оставете коментар

Вашата адреса за е-пошта нема да биде објавена. Задолжителните полиња се означени со *

Advertisement
Advertisement
Advertisement

Огласи за вработување:

Гостиварпред 4 дена

Света архијерејска Василиева литургија во Гостивар со гости од Србија и чин на ракоположување

Гостиварпред 2 недели

Со љубов и почит кон корените – „Танец“ одржа концерт во Гостивар

Гостиварпред 2 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 3 месеци

Ангелчињата во Гостивар го најавија Христовото раѓање-Бадникова поворка 2024

Спортпред 4 месеци

По првиот круг од сезоната КК Гостивар „виси“ на 8-та позиција на табелата

Спортпред 4 месеци

Кехинде од пенал му пресуди на Македонија Ѓорче Петров 1-0

Гостиварпред 7 месеци

Стефановски: Гостивар одличен како домаќин и публика, благодариме од срце!

Спортпред 7 месеци

ФК Гостивар загуби на домашен терен од Силекс 1-2

Гостиварпред 8 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

АНКЕТА:

Дали ќе гласате на претстојните ПРЕТСЕДАТЕЛСКИ и ПАРЛАМЕНТАРНИ ИЗБОРИ 2024?
Advertisement
Advertisement

Популарно изминативе 100 дена