Култура
Пред гостиварци промовирана стихозбирката „Бесконечноста до тронот“
Осумнаесетгодишната гостиварка Емилија Србиноска вчеравечер во Центарот за култура „АСНОМ“ во Гостивар, ја промовираше својата прва збирка поезија со наслов „Бесконечноста до тронот“. Меѓу кориците на книгата се сместени дваесет песни.
„Издавањето на поетска збирка беше мојот сон и многу сум среќна и задоволна што се оствари. Од срце им благодарам на сите кои ме поддржуваа и ми помогнаа во реализацијата на мојата цел“, рече младата поетеса.
Промоцијата ја отвори Дејан Крстески, писател и поет од Гостивар, кој меѓу другото даде и свое гледиште на творештвото и делото на Србиноска. „Песните на Емилија пленат со широк спектар на емоции. Емоции кои пред се` се чисти и детски, целосно неизвалкани, полни со восхит, воодушевување и искреност. Зборовите испишани во оваа книга градат еден вербален мост помеѓу вечното и современието, нудејќи посебен мир“, нагласи Крстески.
Пред присутните кратко обраќање имаше и Флоранда Мухареми, претседател на Клубот на млади поети во Гостивар. „Ја познавам Емилија уште од мала и знам колку е амбициозна и секогаш успева да ги оставри своите цели. Ја има поддршката на клубот, чиј член е и самата. И` посакуваме да реди уште многу успеси“, рече Мухареми.
Емилија Србиноска е родена во 2000-та година во Гостивар. Годинава заврши средно економско училиште, а од наесен продолжува со високо образование. Член е на гостиварскиот Клуб на млади поети. Нејзината прва поетска книга излезе во издание на Здружението за книжевен равој Вавилон од Битола
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник