Вести
Предадени во употреба амбулантните возила, донација од ТИКА за болницата во Гостивар
Денес официјално беше промовирана донацијата на ТИКА од две амбулантни возила за гостиварската општа болница. Амбасадорката на Турција во Македонија Тулин Еркал Кара и координаторот на ТИКА, Ајтекин Ајден симболично им ги доделија клучевите на државниот секретар за здравство Владимир Милошев и на градоначалникот Арбен Таравари кои потоа му ги предадоа на директорт на болницата Јакуп Јакупи.
„Ова е многу значајна донација за нашата болница. За пациентите кои имаат потреба да се транспортираат до клиниките во Скопје или здравствени установи во други градови, сега се обезбедени соодветни услови со современа медицинска опрема во самото возило“, рече директорот Јакупи.
Турската Амбасадорка изјави дека ќе продолжат со поддршка за болниците низ Македонија. „За потребата од нови амбулантни возила на болницата во Гостивар бевме информирани од сегашниот градоначалник, во времето кога беше министер за здравство и ветивме дека ќе помогнеме. Турција ќе продолжи да обезбедува донации и да дава поддршка и понатаму“, потенцира Амбасадорката Еркал Кара.
Државниот секретар за здравство Милошев ја нагласи важноста на современите опремени возила за пациентите. „Со новите возила ќе се придонесе за навремено користење на здравствената заштита и полесен транспорт на пациентите од Гостивар и околината. Во мое лично име и во име на Министерството за здравство упатувам благодарност до ТИКА за севкупната заложба за унапредување на здравствената заштита во Македонија. “, рече Милошев.
За донацијата се заблагодари и градоначалникот Таравари: „Благодарни сме што Турција ни излезе во пресрет и ги обезбеди двете амбулантни возила за болницата во Гостивар“.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар