Предлог на Таравари, угостителските објекти во Гостивар да работат плус два часа

Градоначалникот Гостивар Арбен Таравари достави предлог да се пролжи работното време на угостителските објекти за два часа. Предлогот ќе се најде на дневен ред на седницата на Советот на Општина Гостивар закажаа за четврток.
Таравари предлага наместо до полноќ, во работните денови, работното време на угостителите да трае до 02:00 часот, а за време на викендите наместо до 01:00 да трае до 03:00 часот. „Ваквиот предлог доаѓа во време кога нашите сонародници се во својот роден крај, но исто така и за да можат кафулињата и рестораните да работат бидејќи подолг период беа затворени поради пандемијата. Очекуваме предлогот да наиде на едногласна поддршка од советниците на седницата во четвртокот, што ќе биде последна на сегашниот состав согласно законот, бидејќи се очекува да бидат распишани локални избори и овој Совет, освен за итни случаи, нема да може повеќе да се собере. Доколку предлогот помине на Совет, сопствениците на угостителските објекти нема да бидат обврзани да поднесат барање за продолжување на работното време, бидејќи сите институции ќе бидат веднаш известени за новата одлука.“, се вели во општинското соопштение.
Општина Гостивар минатата година ги ослободи угостителите од плаќање на општински такси, со цел да ја ублажи финансиската криза што ја претрпе овој сектор од коронавирусот.