Предлог за летен ручек, ТОП рецепт за жешкото време

Топлото време диктира промени во менито со внесување на полесна храна, помалку маснотии и соодветни намирници. Ви предлагаме рецепт идеален за летен ручек, јадење кое е вкусно и ќе ве засити, а сосема одговара за топлите временски прилики.

Полнети домати со сирење и јајца

Состојки:

10 домати

10 јајца

250 гр. сирење

100 гр. путер

100 мл. кисела павлака

2 чешниња лук

Сол, црн бибер, магданос

Подготовка:

Најпрво на доматите им се отсекува горниот дел и со лажичка внимателно се вади средината. На страна во тава се пропржува сецканиот лук, па му се додава раздробеното сирење, павлаката, сол и бибер. Со оваа смеса се полнат доматите, кои претходно се редат во подмачкано тавче. Потоа одозгора во секој домат се става по едно јајце, цело, неразматено и по малку путер. Вака полнетите домати се печат во загреана рерна околу 20-25 минути на 180-200 степени. Откако ќе бидат готови одозгора се наросува магданосот.