Предлог за ручек: Мусака со рендан компир

Со една мала промена, наместо да го исечете во кругови компирот крупно изрендајте го, и добивате сосема ново, вкусно и крцкаво искуство. Испробајте мусака со рендан компир.

Состојки:

7-8 компири средна големина
400 g мелено месо
1 кромид
1 лажица рендан магдонос
4 јајца
2 поголеми филџани млеко
1 лажичка зачин
сол, маст

Подготовка:

Ситно исецкајте го кромидот и на малку маст пропржете го минута до две, потоа додадете го меленото месо и пропржете го уште неколку минути.

Компирот крупно изрендајте го. Садот за печење премачкајте го со маст, распоредете половина од изренданиот компир и посолете. Одозгора ставете го прженото месо и уште малку посолете. Врз месото распоредете ја другата половина од изренданиот компир и посолете. Во подлабок сад изматете ги јајцата и млекото и рамномерно истурете ги во садот. Печете околу 1 час во загреана рерна на температура од 220 степени и мусаката со рендан компир е готова.