Предложено даночно ослободување за спортски федерации, клубови и спортисти

На вчерашната седница на Владата, Министерството за Правда, го поднело на разгледување Предлог-законот за изменување и дополнување на Законот за спортот.

Како што соопштуваат од службата за информирање, со Предлог законот се предлага даночно ослободување за националните спортски федерации, за спортските клубови, за активни спортисти од олимписки и неолимписки спортови, како и други правни субјекти кои имаат решение за вршење на дејност спорт.

Даночното олеснување ќе се користи врз основа на издаден ваучер од страна на органот на државната управа надлежен за работите од областа на спортот, со што ќе се обезбедат значителни средства за поддршка на спортот и спортистите, наведуваат од Владата на РСМ.