Предупредување поради врнежите: Не ги оставајте возилата над шахти!

Секторот за внатрешни работи Тетово апелира до граѓаните на Тетово и Гостивар, во случај на пообилни врнежи од дожд, да не ги паркираат нивните возила над шахти од атмосферската и друга канализација, за да може непречено да се провери функционалноста на канализациската мрежа и доколку има потреба, да се интервенира.

„Покрај ова, на граѓаните им се советува да не ги оставаат возилата под или во близина на поголеми дрвја, зашто при силен ветар можно е паѓање на дрвјата или делови од нив и причинување значителни штети на возилата, па дури и загрозување на човечки животи. Секторот за внатрешни работи Тетово во координација со други институции и служби од подрачјето и пошироко, веќе презема соодветни мерки и активности од неговиот делокруг на надлежности и подготвен е со максимален капацитет да одговори на сите обврски на овој план“, наведува полицијата.