Живот
Прекрасни места за прошетка во гостиварскиот регион (1)
Море, езеро, плажа се секако најпримамливи места за поминување на летниот одмор. Но, доколку обврските не ви дозволуваат патување и летување во класична смисла на зборот, тоа не значи дека не може да најдете интересни и убави места за посета и прошетка во пошироката околина на Гостивар. Летото без патување на годишен одмор не мора да биде здодевно, напротив може да биде исполнето со прекрасни моменти и авантури.
Вруток
Местото од кадешто извира најголемата река во Македонија е секогаш добра идеја за посета. Блиску е, на само седум километри од Гостивар, а ако сте расположени за поголема физичка активност, за да стигнете до селото, може да ја користите пешачката патека покрај Вардар. Рибници, ресторани, живописна природа, хидроцентрала, изворска вода, гостопримливи домаќини…Причина плус да поминете барем ден ден во Вруток.
Дуфски водопад
Се наоѓа во близина на Ростуше, на половина час од центарот на селото. Вистински избор, доколку сакате да се разладите во топлите летни денови со оглед на тоа што по патеката до него и во околината владее пријатна клима и пониски температури. До водопадот се стигнува по обележана и уредена патека. Самиот водопад, висок 25 метри е глетка која не може да ве остави рамнодушни, а додека се воодушевувате и освежувате може да здивнете на клупите поставени наоколу.
Водопадот Дуф на Ростушка планина е дел од националниот парк „Маврово“ , на надморска височина од над илјада метри.
Горно и Долно Јеловце
Шарпланински села кои вреди да се посетат, заради мирот што таму ќе го најдете, идеални за релаксиран викенд, прошетка со семејството или пријателите… Долно Јеловце се наоѓа на десетина километри од Гостивар, изобилува со природни убавини и чист планински воздух. Во селото може да се посети манастирскиот комплекс Св. Илија, со можност за ноќевање. Во близина има и чешмиче за кое се верува дека е леково.
Горно Јеловце се наоѓа на 17 километри од Гостивар, близу границата со Албанија и Косово. Таму ќе ве пречека еколошки чиста средина, недопрена природа, жубор на вода и многу зеленило. Може да го посетите манастирчето св „Мина“, на 1.500 метри надморска височина.
(продолжува)
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар