Живот
Прекрасни места за прошетка во гостиварскиот регион (4)
Летото се уште трае и секоја шанса за излегување од дома и прошетка треба максимално да се искористи. Во ова продолжение на предлог места за посета ве потсетуваме дека гостиварскиот регион навистина има ретки бисери како на пример Мавровското езеро и селото Леуново.
Мавровско езеро
Вештачко езеро на 1.200 метри надморска висина кое освојува со својата убавина. Долго е 10 километри, широко неколку километри, а најголемата длабочина достигнува до 50 метри. Околу езерото има асфалтен пат кој може да се искористи за обиколка на целиот Мавровски дел од националниот парк Маврово. Од сите страни над езерото се издигаат високи листопадни и иглолисни шуми.
Мавровското езеро може да биде ваше прибежиште за опуштање од секојдневниот стрес и работни обврски. Ова особено важи за оние кои се вљубеници во риболовот. Локацијата е погодена за кампување и долги прошетки во пријатно опкружување. Тука ќе ја видите и потопената стара црква св. „Никола“ , која останала под вода при изградбата на езерото.
Како попознати локации за одмор околу езерото се споменуваат месноста Бојков Кладенец и Црн Камен.
Село Леуново
Сместено на источниот брег од Мавровското езеро, селото Леуново ќе ве привлече со многу свои позитивни карактеристики и природната убавина на самата околина. Селото има богата историја, се негуваат вековни традиции, но она што е посебно важно е што денешницата Леуново ја живее во постојан развој во однос на туризмот. Местото има што да понуди за секој посетител кој ќе реши тука да здивне и да ужива. Има услови за планинарење, пешачење, излети. Ако еден ден ви биде малку лесно може да најдете убаво сместување во некоја од вилите коишто се изградени и адаптирани токму за туристи.
Иако селото е доста атрактивна локација за посета во текот на зимскиот период кога изобилува со снег, Леуново е прекрасно и налето. Со климата и временските услови кои владеат, ќе ви понуди разладување и освежување кое секој го посакува на високите температури.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk