Премиера: „Итрините на Скапен“ ќе ги засмеат гостиварци

 Театар „Дунек“ приреди ново уживање за љубителите на драмската уметност и за целата гостиварска публика. Станува збор за претставата „Итрините на Скапен“ работена по текст на францускиот мајстор за комедии, Молиер. Театарската екипа ја одржа генералната проба и нетрпеливо ја очекува премиерата, закажана за во петок, во Центарот за култура АСНОМ.

Приказната изобилува со многу сплетки, впечатливи ликови и динамични сцени, а во нејзиното создавање учествува млада актерска екипа од Гостивар, под водство на режисерот Ѓорѓи Нешкоски.

Премиерата на „Итрините на Скапен“ во петок е со почеток во 20 часот. Комедијата репризно ќе се одигра во сабота (10-ти јуни).

Улогите ги играат: Војкан Михајлоски, Драгана Богоеска, Живе Ристоски, Иво Дамјаноски, Ратко Анастасиевски, Станимир Трпески, Виктор Анѓелкоски, Филип Веселинов, Ивана Мерџаноска, Емилија Атанасоска, Константина Ѓурковиќ и Теодора Волческа.