Премиера на „Бикини Мун“ на Манчевски во Гостивар

Убава вест за љубителите на филмската уметност. Најновиот игран филм на Милчо Манчевски, „Бикини Мун“ утревечер премиерно ќе биде прикажан во Центарот за кулутра АСНОМ во Гостивар.

Филмот е снимен во Њујорк, и е копродукција меѓу САД, Германија и Канада. Претставува еден вид  урбана бајка која раскажува за една харизматична бездомничка што го привлекува вниманието на филмска екипа, која снима документарец. Главната улога ја игра Кондола Рашад, позната од американската ТВ-серија „Милијарди“ и од бродвејската верзија на Шекспировата „Ромео и Јулија“ каде глуми со Орландо Блум.

„Бикини мун“ светската премиера ја доживеа лани во октомври, во Бразил на еден од  најголемите филмски фестивали во светот.

Премиерата во Центарот за култура во Гостивар утре е со почеток во 19 часот, а билетите се по цена од 100 денари.