Култура
Премиерата на „Сомнително лице“ во Гостивар со рекордна посетеност
Преполна сала, воодушевена и насмеана публика, силен аплауз за актерската екипа. Во ваква атмосфера помина синоќешната премиера на „Сомнително лице“ во Гостивар. Младите актери од театар „Дунек“ не се штедеа на сцената и приредија 90 минутно уживање за сите кои дојдоа на премиерната изведба на добро познатата комедија од Бранислав Нушиќ. Во неа, Нушиќ на мајсторски начин ја опишува корумпираноста и самовластието на полицијата во Србија во времето на режимот на Обреновиќ.
Претставата имаше рекордна посетеност, во салата на Центарот за култура беа поставени и дополнителни столчиња, а имаше и публика која на нозе ја изгледа целата комедија.
„Ви благодариме на големата поддршка што ни ја дадовте вечерва, таа многу ни значи. Среќни сме што културниот живот во Гостивар се издигнува и што ве има во толку голем број“, рече на крајот од премиерата, пред публиката режисерот Ѓорѓи Нешкоски.
Улогите во „Сомнително лице“ ги играат: Војкан Михајлоски, Константина Ѓурковиќ, Ивана Мерџаноска, Виктор Анѓелкоски, Давор Ангелов, Драгана Богоеска, Теодора Матеска, Екатерина Тримчевиќ, Ратко Анастасиески, Тома Стојаноски, Јован Бубески и Теодора Волческа.
Културното здружение „Дунек“ ја одржа премиерата во чест на 24 мај, Денот на Светите Кирил и Методиј.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk