Прес во АА: ДУИ ја започна валканата кампања, политичка одмазда врз државни службеници

Граѓани вработени во разни служби во администрацијата во пресрет на локалните избори се почесто пријавуваат до нас случаи на вршење притисок, мобинг и политичка одмазда од страната на централната власт, изјави денес на прес конференција во седиштето на Алијанса за Албанците во Гостивар, генералниот секретар на партијата и градоначалник на Гостивар Арбен Таравари.

„Алијанса за Албаницте изминатите денови доби многу пријави од граѓани вработени во разни државни органи и институции за вршење притисок, мобинг и политичка одмазда од страната на централната власт. Ова покажува дека, како што прават секој изборен циклус, така е и сега. ДУИ ја започна својата предизборна валкана кампања. Оваа кампања ги чини многу државните служеници кои не ги делат истите политички ставови со владеачките партии. Беким Афузи, вработен во Царинската управа, јавно ги искажа своите ставови кои не се исти као на ДУИ и за тоа беше деградиран.“, рече Таравари.

Тој подвлече дека граѓаните се огорчени и разочарани од политиката на власта. „Целта на оваа политика, која и не заслужува да се нарече политика е да се сокријат нивните неуспеси на локално ниво и на централно ниво. Нивните неисполнети ветувања и лаги. Ги уверуваме граѓаните дека сме тука за нив и ќе бидеме секогаш до нив, да ги прекинеме притисоците за работно место. Гласот на секој граѓанин е подеднакво вреден и моќен. Крајот се приближува и граѓаните знаат да направат разлика. Ја повикувам коалицијата ДУИ и СДСМ да се откажат од диктаторските и криминални методи со кои до сега остваруваа победи на избори“, рече Таравари.