Преубав е и сите ќе го обожаваат – Солен колач со домати и маслинки

Ако сакате да подготвите вкусен појадок или вечера кој сите ќе го обожаваат, овој рецепт сигурно ќе ве израдува. Солениот колач со домати и маслинки е интересна комбинација на вкусови, има едноставен начин на подготовка и содржи намирници кои може да се рече дека се наоѓаат во кујната во секое време.

состојки:

250 гр. брашно

2 домати средна големина

150 гр. сирење

50 гр. маслинки

4 јајца

100 мл.млеко

сув квасец

сол, бибер, босилек

100 мл.масло

подготовка: Најпрво исечете ги доматите на половина, посолете ги и ставете во тава на хартија за печење да се потпечат, околу 20 минути на 100 степени. Откако ќе се потпечат исецкајте ги на ситни парчиња. Измешајте го брашното со квасецот.

Во друг сад изматете ги јајцата со малку сол, бибер, масло и млеко. Потоа оваа смеса додајте ја со брашното и измешајте.

Откако добр ќе измешате додадете ги маслинките ситно исецкани, доматите, сирењето (раздробено или изрендано) и босилекот. Измечајте убаво и смесата ставете ја во подлабока тава или калап за печење. Питата се пече на 180 степени околу  45 минути.