Деца Родители
При одлука за развод, родителите мора да водат сметка за децата
Развод на брак преставуива непланиран животен настан и како таков е голема неразвојна криза во семејството. Неможноста партнерите да ги разрешат вообичаените развојни кризи како и неможноста за справување со кризите што се надвор од семејниот систем, резултира со донесување одлука за развод на бракот.
Разводот не е најсреќното решение за едно семејство. Меѓутоа доколку односите помеѓу партнерите се нарушени до тој степен со што натамошниот заеднички живот станува невозможен, тогаш разводот може да се покаже и како единствено разумно решение.
Причините за развод можат да бидат различни. Пред се, разводот може да биде последица на лош избор на партнер. Голем број на разводи се резултат на заедничкото живеење со родителите, нерешеното станбено прашање на младиот брачен пар, малите или никакви приходи.
Причините за развод можат да бидат и аклохолизмот, насилството во бракот, нарушените меѓусебни односи, неверството, претераната врзаност на брачниот партнер со родителите, вмешувањето на пријателите, љубомората и друго. На многу разводи влијае и економската еманципација на жената, која се почесто е вработена и материјално обезбедена и многу почесто се одлучува за развод како решение за неквалитетното живеење.
Понекогаш брачните партнери се одлучуваат за развод и тогаш кога нивните проблеми би можеле да се решат доколку побараат адекватна стручна помош.
Одлуката за развод понекогаш се донесува и за да се намали напнатоста, но и заради казнување на партнерот или како надеж дека нешто ќе се смени во животот.
Не постојат општи правила кога и под кои околности е оправдан разводот. Некогаш некои партнери избегнуваат да се разведат и тогаш кога тоа би било најсоодветно решение за целото семејство.
При донесување на дефинитивна одлука за развод на брак треба да се води сметка за интересот на децата. Партнерите можат меѓусебно да се избираат, но за жал децата не може да ги избираат своите родители. Од тука произлегува и големата одговорност на партнерите пред своите деца пред да ја донесат одлуката за развод на брак. Бидејќи со разводот се разведуваат родителите, а не децата од родителите.
Разводот е процес како оној при градење на семејството. Разводот е брачен проблем, проблем на двајцата партнери и треба да се реши со добра воља и взаемна соработка меѓу двајцата партнери. На тој начин ќе се спречи ризикот од неправилен психо-социјален развој на нивните деца.
Со разводот, за родителите никогаш не престанува одговорноста и грижата околу воспитување и одгледување на нивните деца. Таа продолжува и трае цел живот. Затоа спогодбениот развод би требало да биде чесен, пред се заради иднината на нивните деца.
Семејството живее во односите кои постојано се менуваат како во фазите на циклусот во семејството, но и под влијание на надворешната средина.
Постојат проблеми што семејството може да ги реши, но постојат и проблеми за кои е потребно помош и советување со стручните лица. Затоа за решавање на брачните, семејните или родителските проблеми пожелно е да се побара помош од стручните лица во рамките на советувалиштето за брак и семејство.
Младите луѓе кои се подготвуваат за брак и одговорно родителство ќе мора да сфатат дека е неопходно и можно да се планира сопствениот живот и животот на своите деца. Треба да се прифати дека бракот и родителството преставуваат содржина на голем дел од животот. Животот во семејствата во кои сме се родиле и нашето детство се само подготовка за зрелото доба. Заради тоа во периодот на заљубеноста и во состојба кога преовладуваат емоциите треба да се размислува за планирање на родителството при што се менува содржината на животот меѓу партнерите стануваат поинакви.
( следува Планирање на семејството и одговорно родителство)
пишува: м-р Слаѓана Анѓелкоска, психолог
Советувалиште за брак и семејство
Центар за социјална работа Гостивар
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар