Придобивки од возење велосипед

Доколку размислувате да почнете со велосипедизам ви предлагаме тоа и да го направите. Еве неколку важни придобивки кои ги добивате ако почнете да возите велосипед.

Ги чува зглобовите

Кога возите велосипед, целата ваша тежина ја пренесувате на силните коски на карлицата. Кога одите или трчате, тежината се префрлува на нозете предизвикувајќи да страдаат зглобовите. Возењето велосипед е добро за сите луѓе кои имаат проблеми со болки во зглобовите.

Овозможува аеробни вежби

Аеробните вежби се карактеризираат со многу умерен интензитет и тие првенствено се насочени кон подобрување на нашето здравје. Возењето велосипед е одлична форма на аеробно движење поради педалата, што ја подобрува работата на нашето срце и мозок и има големо влијание врз циркулаторниот систем.

Ги зајакнува мускулите

Кога возите велосипед, ги користите скоро сите мускули, особено мускулите на задникот, квадрицепсните бутни мускули и мускулите на листовите. Поради исправената положба, абдоменалните мускули исто така “работат” за да помогнат во рамнотежата, а исто така ги користиме и мускулите на рацете и рамената.

Олеснува разни дневни активности

Придобивките од велосипедизмот се пренесуваат на одржување рамнотежа, одење, стоење, издржливост и качување по скали. Сите видови физичка активност ќе станат полесни благодарение на велосипедизмот.

Помага во зајакнување на коските

Активностите како педалирањето во кои телото треба да понуди отпор ја зголемуваат густината на коските. Намалената густина не е занемарлив проблем бидејќи може да доведе до остеопороза.