Пријавени два физички напади во Гостивар во изминатите 24 часа

Во изминатото деноноќие во СВР Тетово, Полициска станица Гостивар пријавени се два напади со примена на физичка сила.

Вчера (8 мај) во 13 часот и 30 минути, полициски службеници го привеле 38-годишниот гостиварец Х.Р., кој непосредно пред тоа бил пријавен од 49-годишниот И.Е, исто така, од Гостивар дека на улица „ЈНА“ физички го нападнал поради недоразбирања околу паркирање на неговото возило. Се расчистува и документира случајот и против Х.Р. ќе следува поднесок.

Додека, четириесет и деветгодишниот гостиварец Н.А. вчера во 15 часот и 40 минути во СВР Тетово пријавил дека околу 14 часот на улица „Гоце Делчев“ во Гостивар физички бил нападнат од А.Х. од гостиварско Чајле, со кого подолго време имале нарушени односи, по што во физичката пресметка се вклучил и синот на пријавителот. Се расчистува и документира случајот.