Пријавени физички напади во локали и на улица во Гостивар

СВР Тетово евидентита неколку пријави за физички напади изминатото деноноќие на подрачјето на ОВР Гостивар. Вчера (15 август) во 15.45 часот 23 годишниот Б.К. од тетовска Волковија пријавил дека околу 13 часот на работното место во угостителски објект во трговски центар на улица „ЈНА“ во Гостивар, бил физички нападнат од едно лице.

Исто така вчера, во 20.20 часот 18 годишниот гостиварец Е.Ф. пријавил дека околу 16.30 часот на улица ,,Никола Парапунов,, во Гостивар бил физички нападнат од Х.Ф., М.Ш. и Р.Б., сите од Гостивар.

Во 10 и 10 часот пак во Полициското одделение Галате, Е.Д.(37) од Неготино полошко, пријавил дека околу 9.30 часот во угостителски објект, поради нерасчистени должничко – доверителски односи, бил физички нападнат од Б.А. од истото село.

Полицијата известува дека се преземаат мерки за расчистување на случајот.