Пријавувањето на невработени за платено практиканство продолжено до крај на месецот

Агенција за вработување денес информираше дека огласот за мерката Практиканство се продолжува до крајот на месец април.

Сите невработени млади лица до 34 години кои сакаат да се стекнат со практични знаења и вештини на одредено работно место можат да аплицираат, повикаа од Агенцијата.

Лицата што ќе се вклучат во практикантство ќе добијат месечен надоместок во висина од 9.000 денари со вклучено осигурување за инвалидност и телесно оштетување причинето со повреда на работа и професионална болест и данок на личен доход за период до 3 месеци. Фирмите во кои ќе се спроведува практиканството немаат обврска да ги задржат по истекувањето на тримесечниот рок.

Пријавувањето се врши во Центрот за вработување.