Поврзи се со нас

Гостивар

Природата и секојдневието во „Фокус“ – втора самостојна изложба на гостиварецот Радически

Гостиварецот Александар Радически, вчеравечер по втор пат се претстави со свои дела на самостојна изложба во Гостивар, во Центарот за култура АСНОМ. Насловена како „Фокус“, изложбата содржи фотографии и уникатни ракотворби – украси од дрво и камен и декоративни слики од природни материјали и камчиња.

„Среќен сум што повторно изложувам свои дела пред љубителите на уметноста во Гостивар. Може да кажам дека циклусот е работен во период од една година, а како инспирација и преокупација доминираат природата и секојдневието.“, рече авторот.

За фотографиите на младиот гостиварец, свое видување во каталогот дава ликовиот уметник и критичар, Ратко Богданоски.

„Неговите фотографии претставуваат печат на нашето опкружување, па така авторот се обидел да ни даде една поинаква перспектива на се` она што не опкружува и тоа несебично ни го доближува преку своите фотографии. Урбаната приказна на младиот фотограф Александар Радически, претставува комбинација од ликови, моменти, сцени и предемти од секојдневниот живот, кои сами по себе претставуваат една современа и креативна композиција, која плени со својата спонтаност и едноставност.“, пишува Богданоски.

Дел од изложбата беа и три ракотворби изработени од малата Ана, ќерка на Радически, која од рана возраст покажува интерес кон овој вид на уметност и тргнува по стапките на својот татко.

Александар Радически е роден 1986 година во Гостивар. Со фотографија се занимава скоро две децении и со своите фотографии учествувал на повеќе фестивали и групни изложби низ државата, а „Фокус“ е негова втора самостојна изложба. Последниве години пасија му стануваат и ракотворбите од природни материјали.

Изложбата се реализираше со поддршка на Министерството за култура.

 

Сподели:
Остави коментар

Напишете коментар

Advertisement
Advertisement
Advertisement
Advertisement

Отворени огласи за вработување во полог:

- Кошаркарски клуб Гостивар А.Д
- VILLA Group DOOEL
- M&M Медија ДООЕЛ Гостивар
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!