Поврзи се со нас

Здравје и убавина

Природен МУЛТИВИТАМИН – пијте чај од шипка за спас од вируси и настинки

Есента е период кога човековиот имунитет опаѓа и владеат различни вируси и настинки. Подигнувањето на имунитетот е најважното нешто, во одбрана против нив. За среќа, природата ни дава многу растенија, овошја, зеленчуци коишто се одлични за зачувување на нашето здравје и зајакнување на одбранбениот механизам. Едно од таквите природни богатства е шипката.

Шипката е лековита билка која е исклучително богата со Ц витамин. Тоа важи за сите продукти од шипка, чај, мармалад, сируп, сок, сите се меѓу најдобрите извори на овој важен витамин за имунитетот. Исто така, содржи и витамини П, Б12, Б2, Б1, К, А, како и натриум, јаболкова и лимонска киселина, природен шеќер, етерични масла, пектин, танин, растителни влакна, минерали…Листата е навистина долга, што значи имате безброј причини да ја конзумирате секојдневно во било која варојанта.

Шипката поволно делува на дигестивниот систем, а се препорачува и за спречување на камен во бубрезите и мочните канали. Ги чисти дишните патишта и го олеснува дишењето. Ја подобрува циркулацијата и ја прочистува крвта. Смирува кашлица и помага во исфрлање на секретите од белите дробови и грлото. Има благотворно дејство и за детоксификација на организмот.

По еден филџан чај од шипка ќе биде добредојден за вашето тело во борбата против настинките и вирусите оваа есен. Секако, најдобро е да користите домашен, од сушени плодови. За да го засилите дејството, во чајот додавајте малку лимон и мед.

Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно