Природен сок кој го прочистува и му дава енергија на телотo

Направете пијалок кој делува како природен чистач за организмот, особено после масни и тешки оброци. Овој пијалок ќе придонесе за здраво ниво на маснотиите во крвта.

Домашниот напиток од целер и лимон се смета за еден од најефикасните природни лекови за намалување на маснотиите и чистење на организмот, особено после тешки оброци. Оваа комбинација е особено ефикасна за регулирање на нивото на триглицериди, група на масти кои заедно со високиот холестерол се најодговорни за појава на срцеви заболувања.

Имено, триглицеридите се главен извор на енергија за организмот и се важни за здравјето. Но, кога внесуваме премногу калории во однос на нашите потреби, телото ги претвора во резерви кои ги складира во масните клетки. Кога нивото на триглицериди ги надминува дозволените граници, тоа го зголемува ризикот од срцев и мозочен удар. Високото ниво на триглицериди може да биде одговорно и за воспаление на панкреасот, односно панкреатитис, па затоа е важно да се грижите за оваа вредност.

Еден од начините да го контролирате е терапијата со лекови, која лекарот ќе ви ја препише за зголемени маснотии, но пред тоа веројатно ќе ви предложи промена во исхраната и ќе препорача храна која делува како средство за чистење на телото. Токму триглицеридите често реагираат брзо на промените во исхраната, па вреди да се проба рецептот за пијалок од лимон и целер.

Потребни остојки:

• 400 гр целер (корен и лист),
• 1 кг лимон,
• 2 литри вода.

Подготовка:

Листовите целер измијте ги добро и излупете го коренот, па измијте го и него. Коренот треба да биде ситно изрендан. Измијте го лимонот, а потоа излупете го, за да ја отстраните белата мембрана што го обвиткува овошјето. Во поголемо тенџере ставете 2 литри вода, додадете рендан целер и листови и кора од лимон и варете на силен оган. Кога ќе зоврие, намалете ја топлината и варете уште 20 минути. Потоа покријте ја смесата и оставете ја да се олади најмалку 6 часа, по можност преку ноќ.Отстранете ја белата кора од лимоните и изблендирајте ги. Процедете ја водата со сварениот целер и кората од лимон, па додадете го сокот од лимон. Процедете ја смесата уште еднаш и истурете ја во стерилизирани стаклени шишиња или тегли. Напитокот чувајте го на ладно место, по можност во фрижидер. Пијте по една мала чаша после главното јадење.