Притвор за двете лица кои краделе во куќи во околината на Врапчиште

Секторот за внатрешни работи Тетово-Одделение за внатрешни работи Гостивар вчера (23 март) до Основното јавно обвинителство Гостивар поднесе кривична пријава против Б.Д.(20) и 22-годишната К.Д. од Република Албанија, поради основи на сомнение дека сторителе кривично дело „тешка кражба“ казниво по член 236 од Кривичниот законик.

Двете лица се сомничат дека во февруари и март годинава извршиле две тешки кражби во куќи во поширокиот Врапчишки регион и при тоа одзеле поголем број разновидни предмети. Тие вчера попладне (23 март) биле изведени пред судија во претходна постапка на Основниот суд Гостивар, кој им определил мерка притвор и околу 22 часот и 30 минути тие се спроведени во Казнено-поправната установа Затвор „Скопје“ во Скопје, додека предметите што ги украле им биле одземени и вратени им се на нивните сопственици.