Приведен 20 годишник на патот Маврови Анови-Дебар, физички се пресметувал со брачен пар

СВР Тетово информира дека полициски службеници на Одделението за внатрешни работи Гостивар вчера (22 ноември) околу 18 часот и 30 минути, на регионалниот пат Маврови Анови-Дебар, во месноста „Бошков мост“ го лишиле од слобода 20-годишниот Е.А. од долнореканско Могорче.

„Тој бил пријавен дека половина час пред тоа физички се пресметувал со 42-годишниот А.З. и неговата 41-годишна сопруга Ф.З. во дворот пред нивната семејна куќа, а на што му претходела нивна меѓусебна вербална расправија. Според пријавеното, Е.А. во пресметката користел и остар предмет со кој ги повредил сопружниците А.З. и Ф.З..“, стои во полициската информација.

Тој е задржан во Полициската станица Гостивар за расчистување и документирање на случајот, по што ќе му биде изготвен соодветен поднесок.