Приведен 32 годишник за подметнување пожар над гостиварско Пожаране

Министерството за внатрешни работи информира дека денес (4 август) во 15.10 часот од страна на полициски службеници од Полициско одделение Галате лишен од слобода бил 32 годишниот Л.А. од Албанија, кој илегално престојувал во државата, поради постоење основи на сомнение дека подметнал пожар над гостиварско Пожаране.

Лицето ќе биде задржано во полиција за понатамошна постапка.

МВР апелира строго да се почитува забраната за движење во шумските предели, граѓаните максимално да се воздржат од палење огнови, отпадоци, меѓи и стрништа на нивите, да не фрлаат неизгаснати догорчиња и да не оставаат стаклени шишиња или други предмети, кои подолго време изложени на сонце, можат да предизвикаат пожар. Неопходна е максимална будност и целосно одговорно однесување на секој поединец.
„Потсетуваме дека предизвикувањето на пожар намерно или од невнимание претставува кривично дело, кое се санкционира со соодветни поднесоци и за кое е предвидена и затворска казна до 8 години (член 227 од Кривичниот законик), зависно од видот на пожарот и другите околности и последици.“, наведуваат од МВР.