Приведен гостиварец заради навреда и омаловажување на полицаец

Шеесет и тригодишен гостиварец  бил приведен во Полициска станица, заради навредување и омаловажување на полицаец.

Според информациите од СВР Тетово, настанот се случил вчера околу пладне на  ул. „Борче Јованоски“ во Гостивар, кадешто полициски службеник регулирал сообраќај. „Лицето Е.Р. (63) го паркирал своето возило „Голф“ со гостиварски регистарски таблици  на пешачки премин, по што од полицискиот службеник неколку пати му било кажано да го тргне возилото. Тој не послушал и полицискиот службеник му побарал документи. Лицето не го послушало и почнало да го навредува и омаловажува полицискиот службеник. Набргу потоа било приведено во полициска станица. Се преземаат мерки за расчистување на случајот.“, извести СВР.