Приведена девојка осомничена за обид за убиство во Гостивар

Дваесет и четиригодишна девојка вчеравечер била приведена во ПС Гостивар, поради сомнение за „убиство во обид“.

СВР Тетово соопшти дека околу 20 часот и 30 минути во Полициската станица Гостивар, од гостиварската болница „Ферид Мурад“ било пријавено дека на излез од Гостивар, на магистралниот пат кон Тетово, со повреда од остар предмет, на патот бил пронајден 23 годишниот О.А.Х. од Република Турција, со регулиран престој во Гостивар. Тој бил пренесен во Ургентен центар Гостивар за укажување на лекарска помош.

„Во 22 часот, во врска со настанот, поради сомнение за сторено кривично дело „убиство во обид“ во Полициската станица Гостивар од слобода била лишена К.Д.(24) од Република Турција, со привремено живеалиште во Гостивар. По целосно документирање на случајот против неа ќе биде изготвен соодветен поднесок.“, пишува во полициското соопштение.