Приведени 11 танчерки и пејачки кои работеле во Чегране и Гостивар

Полициски службеници од полициската станица во Гостивар, ноќеска од 23 до 5 часот, извршиле акциска контрола во угостителски објект во Чегране, сопственост на 50 годишен жител на Чегране.

Како што информираат од СВР Тетово, во објектот биле затекнати девет женски лица, од кои 7 странски и 2 државјанки на Република Македонија кои како пејачки и танчерки ги забавувале присутните гости во локалот.

Шест од нив  на возраст од  21 до 47-годишна возраст биле од Република Албанија и 1 од Република Грција и заедно со сопственикот нa  објектот, приведени се и задржани во Полициската станица Гостивар за натамошна постапка.

Додека, во угостителски објект лоциран на улица „Тоде Богдановски“ во Гостивар, затекнати се 4 албански државјанки на возраст од 22 до 39 години кои, исто така, се приведени и задржани за натамошна постапка, стои во соопштението на МВР.