Приведени две лица кои ограбиле гостиварка што ги ангажирала за помош по дома

Две лица од тетовско биле приведени во Полициска станица, по пријава за кражба.

МВР соопшти дека вчера (4 август) во периодот од 19.30 до 20.00 часот, постапувајќи по претходна судска наредба од Основен суд Гостивар, полициски службеници од Полициската станица Гостивар извршиле претрес во патничко возило „фолксваген туран“, со тетовски регистарски ознаки, сопственост на Џ.А. на возратс од 34 години од село .Долно Палчиште, Општина Боговиње, при што биле пронајдени предмети кои потекнуваат од извршено кривично дело „кражба“, пријавена во 11.25 часот од 83 годишната А.Х. од Гостивар.

„Според пријавеното, А.А. и Џ.А. од Долно Палчиште, ангажирани како помошници кај пријавителката, во повеќе наврати одзеле пари и вредни предмети од неа. Пронајдените предмети се одземени, а Џ.А. и А.А. биле лишени од слобода и задржани во полициска станица за понатамошна постапка. Се преземаат мерки за целосно расчистување на случајот.“, извести МВР.