Приведени гостиварци поради физичка пресметка и нарушување на јавниот ред и мир

Вчеравечер (23 септември) околу 22 часот и 55 минути, на улчица „Живко Брајковски“ во Гостивар, полициски службеници на СВР Тетово-Одделение за внатрешни работи Гостивар привеле двајца гостиварци на возраст од 28 и 36 години, кои претходно  меѓусебно физички се пресметувале. Случајот целосно е расчистен и на двајцата им се изготвени соодветни поднесоци по Законот за прекршоци против јавниот ред и мир.

На истата улица, десетина минути по полноќ (24 септември), бил приведен уште еден 29-годишен гостиварец кој во алкохолизирана состојба го нарушил јавниот ред и мир и на кого, исто така, ќе му биде изготвен поднесок.