Приведени ловокрадци во НП „Шар Планина“

МВР информира дека вчера (12.12.2022) во 9.30 часот во Национален парк „Шар Планина“, полициски службеници од Полициската станица за граничен надзор Маздрача лишиле од слобода 59 годишник од Градец, како и три лица од Италија на возраст од 55, 36 и 18 години, поради постоење основано сомнение дека сториле кривично дело „незаконит лов“ казниво по член 228 од Кривичниот законик.

При извршен преглед, кај едно од нив била пронајдена ловечка пушка „Бернардели “ и 20 патрони муниција, а кај друг ловечка пушка „Бетинсоли“ и 21 патрони муниција, за кои не поседувале документи.

Лицата биле предадени на полициски службеници во Полициската станица Гостивар за понатамошна постапка и по целосно документирање на случајот против нив ќе биде поднесена соодветна пријава.