Приведениот скопјанец на гостиварска патарина превезувал две шишиња масло од канабис и хашиш смола

Секторот за внатрешни работи Тетово-Одделение за внатрешни работи Гостивар вчера (14 јануари) до Основното јавно обвнителство Гостивар поднесе  кривична пријава против 29-годишниот скопјанец Д.Ј. поради основи на сомнение дека сторил кривично дело „неовластено производство и пуштање во промет на наркотични дроги, психотропни супстанци и прекурсори“.

Пријавениот Д.Ј. се сомничи дека во текот на овој месец од Република Албанија набавил поголема количина хашиш смола и хашиш масло, која планирал да ја продаде во Скопје и други градови во земјата, информира полицијата.

Д.Ј. на 13 јануари годинава околу 19 часот лишен е од слобода на магистралниот пат Гостивар-Кичево, бидејќи при преглед на неговото возило „фолксфаген голф“, со скопски регистарски ознаки,  биле пронајдени две шишиња со масло од канабис.

Судија на претходна постапка во Основниот суд Гостивар вчера му определил мерка притвор од 30 дена и Д.Ј. спроведен е во Казнено-поправната установа Затвор Скопје во Скопје.