Гостиварско: Пукал од пиштол кон луѓе кои се враќале од погреб

Вчера (2 септември) во 12 часот и 20 минути во СВР Тетово е пријавено дека во гостиварско Ѓурѓевиште, дваесет и три годишен жител, од возило во движење пукал од пиштол кон луѓе кои се враќале од погреб. При тоа, со телесни повреди се здобило едно лице од истото село, на кое му е укажана помош во гостиварската општа болница „Ферид Мурад“, информираат од полицијата.

Извршен е увид од екипа на Одделението за внатрешни работи Гостивар, пронајдени и подигнати за вештачење се две чаури и еден проектил. Се преземаат мерки за расчистување на случајот.