Приведено лице за тешка кражба во црквата „Свети Петар“ во Долна Бањица

На 19.09.2021 околу 11.10 часот на улица „Гоце Делчев“ во Гостивар, полициски службеници на СВР Тетово – Одделение за внатрешни работи Гостивар го лишиле од слобода 42-годишниот Н.А. од Врапчиште поради сомнение дека во периодот 18/19 септември извршил тешка кражба во црквата „Свети Петар“ во гостиварска Долна Бањица, при што одзел пари, соопшти МВР.

Увид извршила екипа од Одделението за внатрешни работи Гостивар, додека лицето е задржано во полициска станица за расчистување и документирање на случајот и во текот на денешниот ден со соодветен поднесок ќе биде изведено пред судија во претходна постапка на Основниот суд Гостивар.