Приведено лице кое пукало на свадба во Дебреше

Вчера попладне околу 17 часот во Центарот за известување и команда Тетово било пријавено дека во гостиварско Дебреше, за време на одржување на семејна веселба, во куќата на 54 годишниот  А.Б. дошло до нарушување на јавниот ред и мир со пукање од огнено оружје.

„Полициски службеници излегле на местото и утврдиле дека нарушувањето било извршено од страна на 53 годишниот Н.А. од село Сенокосе. Тој испукал неколку куршуми со гасен-сигнален  пиштол „Екол Арас“калибар 9мм. На местото не биле пронајдени чаури, а лицето било приведено за понатамошна постапка. Гасниот пиштол му бил одземен со потврда. По целосно документирање на случајот, против него ќе биде поднесена соодветна пријава“, соопшти полицијата.