Приведувања во ПС Гостивар поради кражби и марихуана

Вчеравечер (13 јули) околу 23 часот и 45 минути, на улица „Питарница“ во Гостивар, полициски службеници на Одделението за внатрешни работи Гостивар лишиле од слобода двајца гостиварци на возраст од 34 и 38 години, затоа што во нивна непосредна близина им била пронајдена марихуана, соопшти полицијата.

Исто така, вчера околу 9 часот и 40 минути во гостиварско Ѓурѓевиште бил лишен од слобода 31 годишен жител на ова село, поради сомнение за негова инволвираност во две кражби на патнички моторни возила. Се преземаат мерки за расчистување и документирање на случајот, по што ќе му биде изготвен поднесок, информира СВР.