Приведувања во угостителски објект во Гостивар во 4 часот ноќеска

СВР Тетово информира дека полициски службеници на Одделението за внатрешни работи Гостивар, ноќеска (11 јануари) околу 4 часот во угостителски објект на улица „Илинденска“ во Гостивар го лишиле од слобода 44-годишниот Е.Н. од Вруток, кој непосредно пред тоа во објектот го нарушил јавниот ред и мир, а потоа физички го нападнал Р.Б.(48) од Гостивар и еден од полициските службеници кои преземале службени дејствија.

Поради нарушување на јавниот ред и мир бил приведен и С.Н.(41) од Вруток.

Е.Н. е задржан во Полициската станица Гостивар и по целосно документирање на случајот против двајцата ќе бидат изготвени соодветни поднесоци, извести полицијата.