Проблем Русино – Таравари вели „Се гледа светло на крајот од тунелот“!

На состанок на Центарот за развој на полошкиот плански регион, денес  во Желино се дискутираше за проблемот со регионалното управување со отпад и иднината на Русино. На дневен ред беше документот за барањата на граѓанските здруженија, во кои меѓу другото се предвидува дислокација на Русино во рок од 5 години.

„Мислам дека препораките и барањата на граѓанските здруженија Стоп Русино и ГвЕко се прифатливи и дека Министерството за животна средина ќе изнајде друга локација што ќе биде нормално координирана и што ги исполнува сите услови да биде регионална депонија. Нас не‘ радува што по 5 години Русино би било зелена порвзшина, според сите стандарди. Сите ингеренции за депонијата и хигиената во полошкиот регион ќе ги преземе регионалното претпријатие, што ќе почне да функционира. Искрено, се гледа светло на крајот на тунелот, сериозни сме сите и се надевам дека ќе се придржуваме на тоа што ќе го потпишаме, се надевам дека и Министерството за животна средина ќе се придржува на тоа што ќе го потпише. Најгорливите проблеми освен правото и правната држава за една земја се секако еколошките проблеми.“, изјави градоначалникот на Гостивар Арбен Таравари.

Фатмир Саити, директор на Центарот за развој на полошкиот плански регион рече дека регионалното претпријатие за Русино најверојатно би профункционирало во јануари.

„Постигнавме договор со Стоп Русино, барањата се потпишани и прифатени од градоначалниците, битен момент да се деблокира депонирање на сметот е да го формираме претпријатието. Таа одлука ја имаат донесено 4 општини, сите членови на одборите се поминати во 4 општини, чекаме тоа д го направат и другите пет, па да свикаме седница на УО и избереме директор, да почне да работи претпријатието. Реално, тоа би било некаде во јануари следната година. Веќе сме во процес на барање нова локација, тоа епроцедура што ја води министерството за животна средина“, рече Саити.