Проблеми кои настануваат во нашето тело ако консумираме премногу сол

Солта ја додаваме во секое јадење и на храната и‘ дава подобар вкус, но премногу сол може да има катастрофално влијание врз здравјето. Експертите препорачуваат внесување од 1500 до 2400 милиграми сол на ден. Најлошо е ако внесеме најмногу сол од преработената храна, бидејќи тоа дополнително го зголемува ризикот од здравствени проблеми со оглед на тоа што преработената храна содржи многу малку хранливи материи, многу калории, како и премногу сол.

Дознајте подолу што може да се случи ако консумирате премногу сол и како да го намалите внесот на сол.

Може да имате проблеми со бубрезите

Хранењето богато со натриум го зголемува ризикот од развој на камења во бубрезите, бидејќи ја зголемува количината на калциум во урината, што е клучен фактор за формирање камења. Со конзумирање на поголеми количини сол, телото задржува повеќе вода обидувајќи се да го раствори натриумот. Под нормални околности, телото го отстранува вишокот течност со филтрирање на крв низ бубрезите за да се извлече вода од крвта, меѓутоа кога хранењето содржи многу натриум, бубрезите ќе отстранат помалку вода и тоа ќе доведе до зголемување на крвниот притисок. Ова може да предизвика откажување на бубрезите, бидејќи како што се зголемува крвниот притисок поради вишок сол, тоа создава огромен притисок врз артериите што одат до бубрезите.

Солта може да го зголеми крвниот притисок

Како што споменавме погоре, луѓето кои што внесуваат многу сол имаат поголем ризик од висок крвен притисок. Ова се случува затоа што солта го стимулира задржувањето на водата, што пак го прави срцето да работи побрзо. Ова создава голем притисок и притисок врз органите, што може да доведе до срцеви заболувања, мозочен удар, деменција, кардиоваскуларни болести и други сериозни проблеми.

Се чувствувате надуено

Како што веќе споменавме, кога консумирате премногу натриум, задржувате вода. Повеќето луѓе размислуваат само за надуеност во стомакот, сепак натриумот може да поттикне задржување на водата низ целото тело. Оток може да се почувствува во стапалата, нозете и рацете, што се нарекува едем. Една вечер консумирање премногу сол најверојатно нема да предизвика повеќе отоци, но со текот на времето задржувањето на водата предизвикано од хранењето богато со сол, секако може да резултира со хронична надуеност.

Може да се чувствувате збунето

Луѓето кои консумираат многу сол обично не пијат доволно вода, а дехидрираноста исто така може да биде причина за нарушувања како збунетост.

Може да предизвика остеопороза

Со мокрење, телото губи калциум, и колку повеќе сол консумирате, толку повеќе калциум ќе изгубите затоа што ќе уринирате повеќе. Кога нема доволно калциум во крвта може да се предизвика остеопороза.

Како да се намали внесот на сол?

• избегнувајте или значително ја намалувате потрошувачката на преработена и брза храна; повеќето од овие намирници содржат премногу сол и воопшто немаат квалитетни хранливи материи.

• проверете дали имате доволно калиум во вашата исхрана. Некои од најдобрите извори на калиум се банани, сладок компир, спанаќ, авокадо и домати.

• Подготвувајте што повеќе оброци дома и додавајте зачини без сол во храната. Разни зачини без сол може да се најдат во продавниците за храна.

• Купувајте свежи намирници, овошје, зеленчук и месо и ограничувајте ја потрошувачката на конзервирана храна со додадена сол.