Пробна журка без маски и дистанца вечерва во Загреб, викендов ќе се прави тест свадба

Хрватска почна со организирање на масовни настани пробно, за да се утврдуваат можностите за ширење на коронавирусот без мерки за заштита, односно без маски и дистанца.

Вечерва на покрив од зграда во Загреб се одржува експериментална журка со околу 90 гости, сите вакцинирани со две дози вакцина против ковид. Никој од нив нема обврска да го покрива носот и устата или пак да држи растојание. Организатори на настанот се Независното здружение на угостители и Заводот за јавно здравство.

Како што пренесуваат хрватските медиуми, сите присутни на забавата по една недела ќе бидат тестирани за коронавирус, а од резулататите ќе зависи натамошното олабавување на рестриктивните мерки. Меѓу гостите има лица од различни возрасти, а журката ќе трае неколку часа.

Во сабота во Хрватска ќе се организира симулација на свадба со 120 учесници. Овојпат меѓу нив ќе има и лица кои не примиле вакцина. Маски и дистанца, исто така нема да се практикуваат.