Продаден дел од Ајфеловата кула

Дел од скалилата на Ајфеловата кула во Париз, со висина од безмалку 3 метри, продадени се за 274.475 евра, потврдено е од аукциската куќа Аркиријал.

Скалилата, кои ги поврзуваа вториот и третиот кат од кулата, околу 14 скали високи 3 метри кои потекнуваат од оригиналното скалиште од прочуената “Железна дама“ од 1889-та година, продадено е на аукција.

#EIFFELTOWER On Tuesday 1 December, Artcurial awarded a much-awaited piece, emblematic of the French capital: a section of the Eiffel Tower staircase. Measuring nearly 3 metres high, it was sold for €274,475 / $329,370 and joins a European private collection! #artdeco #design pic.twitter.com/JbGVxmHyuT

— ARTCURIAL (@Artcurial) December 1, 2020

Поради вградување на лифтот помеѓу катовите во 1983-та година било неопходно да се демонтира дел од скалите на неколку делови.

Еден дел од скалиштето се наоѓа на првиот кат од Ајфеловата кула како експонат, додека некои делови се наоѓаат во музеите ширум Франција или во приватни колекции.

Инаку, Ајфеловата кула е висока 324 метри и е еден од симболите на Париз. Кулата ја изградил Густав Ајфел во 1889-та година како експонат за Светската изложба по повод прославата од стогодишнината од Француската револуција.

Кога била изградена, многу еминентни парижани и обични граѓани сметале дека е грда и дека треба да се сруши, а денес има репутација на ремек дело во светската архитектура.